Yanga, La Liga waanza kazi

Kampuni ya La Liga ambayo imepewa jukumu la kushauri mchakato sahihi wa mfumo wa uendeshaji wa klabu ya Yanga, imeanza majukumu yake kwa kutoa semina kwa viongozi

Maafisa wa La Liga bado hawajafika nchini kutokana na changamoto ya corona huko Hispania ambapo mambo mengi bado hayajafunguliwa kama ilivyo hapa Tanzania

Hata hivyo maafisa hao leo wameweza kuendesha semina kupitia mtandao

Taarifa iliyotolewa na uongozi wa Yanga mapema leo, imebainisha kuwa semina hiyo ilihusu umuhimu wa matumizi ya takwimu katika uendeshaji bora wa klabu

Semina hiyo ni muendelezo wa mikutano na semina kuelekea mabadiliko ya mfumo wa uendeshaji wa klabu ya Yanga