Yanga leo inaingia uwanja wa Taifa kuikabili Kagera Sugar katika mchezo wa robo fainali kombe la FA ambao utapigwa saa moja jioni
Wakati hesabu za mabingwa hao wa kihistoria zikiwa katika ushindi ili kusonga mbele hatua ya nusu fainali, safu ya ulinzi inapaswa kuwa makini kuwachunga washambuliaji wa Kagera Sugar ambayo wanaongozwa na Yusufu Mhilu nyota wa zamani wa Yanga
Mhilu ndiye 'injini' ya mabao ya Kagera Sugar akiwa amefunga jumla ya mabao 16 katika michuano yote pamoja na kutoa pasi nne za mabao
Huyu ndiye mchezaji hatari zaidi kwenye kikosi cha Kagera Sugar. Katika mchezo wa ligi ambao Kagera Sugar ilishinda mabao 3-0, Mhilu alifunga moja ya mabao hayo
Aidha kuwepo kwa tetesi kuwa Yanga imeanza jitihada za kumrejesha jangwani, ni dhahiri atapania kung'ara katika mchezo huu ili kuwahakikishia mabosi wa Yanga kuwa hawatafanya makosa kumrejesha 'nyumbani'
Lakini pia Kagera Sugar wamekuwa na ubora katika safu yao ya kiungo kama ilivyo Yanga
Hivyo hili ni eneo jingine ambalo litakuwa na ushindani mkali
