Mshambuliaji Yusufu Mhilu ni miongoni mwa wachezaji wazawa ambao wanatajwa kuwa mbioni kurejea kunako kikosi cha Yanga
Mhilu alilelewa ndani ya Yanga, ni kocha Hans van Pluijm aliyempandisha timu ya wakubwa msimu wa 2016/17
Msimu uliopita Yanga ilimtoa kwa mkopo kwenda klabu ya Ndanda Fc na baadae Mwinyi Zahera kumuondoa kwenye mpango wa kikosi cha msimu huu
Hata hivyo, Mhilu amewathibitishia mabosi wake hao wa zamani kuwa walifanya kumuacha, kwani amekuwa kinara wa mabao katika kikosi cha Kagera Sugar ambacho alitua mwanzoni mwa msimu baada ya kumaliza mkataba wake na Yanga
Ndiye anayeshika nafasi ya pili katika mbio za kuwania ufungaji bora msimu huu, akiwa ameweka kambani mabao 13
Mshambuliaji huyo chipukizi, pia ameifungia Kagera Sugar mabao matatu kwenye michuano ya kombe la FA, pia akiwa na 'asisti' nne
Hapa tunamzungumzia mchezaji ambaye amehusika katika mabao 20 yaliyofungwa na Kagera Sugar msimu huu
Ubora aliionyesha umewavutia mabosi wake wa zamani ambao inaelezwa tayari wamefanya nae mazungumzo na yuko kwenye orodha ya wachezaji watakosajiliwa kwa ajili ya msimu ujao
cutMhilu aliifunga Yanga kwenye mchezo wa kwanza wa Ligi ambao Kagera Sugar iliibuka na ushindi wa mabao 3-0
Keshokutwa atarejea tena uwanja wa Taifa kuwawinda mabosi wake hao wa zamani kwenye mchezo wa robo fainali kombe la FA
