Kocha Mkuu wa Yanga Luc Eymael amekifananisha na hujuma kitendo cha TFF kumfungia nyota wake winga Bernard Morrison muda mchache kabla ya mchezo dhidi ya Namungo Fc
Jana TFF ilitangaza kumfungia Morrison michezo miwili kufuatia tukio alilofanya mwezi Februari na hivyo kukosa mchezo dhidi ya Namungo Fc pia atakosa mchezo dhidi ya Ndanda ambao utapigwa Jumamosi
Eymael ameeleza kushangazwa na adhabu hiyo ambayo uamuzi wake umechukua zaidi ya miezi minne huku pia akibainisha kuwepo kwa matukio mengine ambayo yalifanyika tangu mwezi Januari lakini hakuna hatua zilizochukuliwa
"Jambo hili linasikitisha kwani limekuja wakati tukiwa kambini muda mchache kabla ya mchezo wetu dhidi ya Namungo. Imetushangaza kwa nini maamuzi haya yamechukua muda mrefu, lakini pia yapo makosa yalitokea mwezi Januari kwenye mchezo wetu dhidi ya Simba lakini hakuna hukumu yoyote," alilalamika Eymael
Aidha adhabu kama hiyo alipewa kiungo wa Simba Jonas Mkude, lakini mchezaji huyo hataathirika nayo kwa kuwa wiki iliyopita klabu yake ilitangaza atakuwa nje kwa wiki mbili kutokana na majeruhi
Mapema leo Kamati ya Nidhamu pia imetangaza kumfungua michezo mitatu beki Lamine Moro
