Jana Mcongomani David Molinga alikuwa shujaa wa Yanga kwenye mchezo wa ligi kuu dhidi ya Namungo Fc baada ya kufunga mabao mawili muhimu yaliyoinusuru Yanga na kipigo kutoka kwa Namungo Fc
Wakati anaingia kwenye dakika ya 56 kuchukua nafasi ya Mapinduzi Balama, mashabiki wachache walisikika wakimzomea
Hata hivyo mabao yake mawili yaliwapunguzia machungu ambayo wangeyapata kama mchezo ungemalizika kwa kipigo
Sasa baada ya mchezo kumalizika baadhi ya mashabiki walionyesha furaha yao kwa Mcongomani huyo huku wengine wakidirika kumpa pesa ukiwa ni utamaduni wa mashabiki wa Yanga pale mchezaji anapofanya jambo la kuwafurahisha
Hata hivyo Molinga aligoma kupokea fedha hizo lakini pia akigoma kupiga picha na mashabiki wengine waliokuwa wakiomba 'selfie'
Molinga alisikika akilalamika kuwa mashabiki haohao ambao wamekuwa wakimwandama kila siku kuwa hana hadhi ya kucheza Yanga
Wakati anashangilia bao lake la pili alilofunga kwenye dakika ya mwisho kabisa ya mchezo, Molinga alishangilia kwa namna ya kuwafunga midomo wakosoaji wake
