Kessy akaribia kurejea Jangwani

Beki wa kulia wa timu ya Taifa Hassan Kessy anaweza kurejea Jangwani baada ya kumaliza mkataba wake kunako klabu ya Nkana Fc, imefahamika

Kessy alitimkia Zambia misimu miwili iliyopita akitokea Yanga, ambayo pia aliitumikia kwa misimu miwili akitokea klabu ya Simba

Taarifa za uhakika ni kuwa yapo mazungumzo baina ya wakala wa mchezaji huyo na Yanga

Inafahamika kocha Luc Eymael alipendekeza kusajiliwa walinzi wawili wa pembeni upande wa kulia na kushoto

Tayari upande wa kushoto Yanga imefanikiwa kumnasa Mnyarwanda Erick Rutanga

Paulo Godfrey 'Boxer' ameonekana kutomshawishi Eymael ambaye jana kwenye mchezo dhidi ya Azam Fc alimtumia Deus Kaseke nafasi ya ulinzi upande wa kulia baada ya Juma Abdul kukosekana kutokana na kuwa na kadi tatu za njano