Mchezo wa ligi kuu ya Vodacom kati ya Yanga dhidi ya Azam Fc, umemalizika kwa timu hizo kugawana pointi baada ya kutoka suluhu ya bila kufungana
Yanga iliyokuwa mwenyeji wa mchezo huo, iliuanza mchezo kwa kosa kosa za hapa na pale mapema lakini kukosekana kwa umakini katika safu ya ushambuliaji iliyoongozwa na David Molinga na Ditram Nchimbi, kuliinyima Yanga bao la mapema
Aidha, kwa nyakati tofauti mlinda lango Metacha Mnata aliokoa michomo mikali kutoka kwa washambuliaji wa Azam ambao walitengeneza nafasi za hatari zaidi
Kwenye kipindi cha pili kocha Luc Eymael alimuingia Bernard Morrison kuchukua nafasi ya Patrick Sibomana
Kuingia kwa Morrison kuliifanya Yanga iongeze kasi katika mashambulizi hata hivyo krosi nyingi alizokuwa akipiga ziliishia mikononi mwa mlinda lango wa Azam Fc
Yikpe Gnamien na Mrisho Ngasa nao wakaingia baadae lakini hawakubadili taswira ya mchezo
Matokeo hayo yanaibakisha Yanga katika nafasi ya tatu ikifikisha alama 56
Ni wazi Kwa Yanga, matumaini pakee ya kushiriki michuano ya Kimataifa msimu ujao ni kwa kutwaa taji la FA
