Klabu ya KMC imesema iko tayari kumuachia kiungo mshambuliaji Charles Ilanfya kwa timu ambayo watafikia nayo makubaliano
Inaelezwa Yanga inaangalia uwezekano wa kumnasa nyota huyo ambaye ilibaki kidogo atue kwa mabingwa hao wa kihistoria wakati wa kocha Mwinyi Zahera
Habari za uhakika zimebainisha kuwa Ilanfya amewavutia mabosi wa Yanga na anaweza kuwa miongoni mwa wachezaji wazawa ambao watasajiliwa na miamba hao wa soka nchini
Kaimu Katibu Mkuu wa klabu ya KMC, Walter Harrison amesema bado hawajapokea ofa kutoka kwa timu yoyote lakini, wako tayari kuzungumza biashara ya nyota huyo au mwingine yoyote ndani ya KMC
"Hatujapokea ofa yoyote mpaka sasa na sio Ilanfya tu mchezaji yoyote atakaye hitajika na timu nyingine tupo tayari kukaa mezani," alisema
Ilanfya ni miongoni mwa wachezaji waliokuwa katika mipango ya usajili wa Mwinyi Zahera lakini dili lake lilikwamishwa katika mazingira ya kutatanisha na nyota huyo kupelekwa KMC
