Sasa niko fiti kuisaidia timu yangu - Sonso

Beki kiraka wa Yanga Ally Mtoni Sonso amesema amepona majeraha yaliyomuweka nje kwa karibu wiki mbili sasa akiwa tayari kurejea kikosini

Mtoni hakusafiri na timu kutokana na majeraha aliyopata katika moja ya mechi za kirafiki

"Nilikuwa nasumbuliwa na maumivu ya mguu lakini kwa sasa nashukuru nimepona. Niko mzima tayari kuisaidia timu yangu kwa mechi zijazo," alisema Mtoni

Mtoni amekuwa akitumika kama mchezaji kiraka ndani ya kikosi cha Yanga akicheza nafasi za ulinzi wa kati, pembeni upande wa kushoto na hata kiungo mkabaji