Kocha Mkuu wa Yanga Luc Eymael ameeleza kutofurahishwa na kitendo kilichofanywa na winga wa timu hiyo Bernard Morrison ambaye leo hakuuunga nae katika safari ya mkoani Shinyanga
Morrison hakusafiri na wachezaji wengine juzi baada ya kuchelewa basi, hata hivyo alimuahidi Eymael kuwa wangesafiri pamoja leo sambamba na David Molinga
Hata hivyo Eymael amesema hakuweza kumpata Morrison katika simu yake ulipofika muda wa kuondoka jijini Dar es salaam
"Sifahamu alipatwa na tatizo gani, kama kocha wake alipaswa kunieleza. Tulizungumza na kuelewana kuhusu safari hii, lakini muda ulipofika sikumuona," alisema Eymael
"Mimi sina tatizo, nitafanya kazi na wachezaji waliopo lakini kwa mchezaji wa kulipwa unapaswa kuwa makini na kazi yako, kwani unaweza kupoteza dira"
Naye Meneja wa Yanga Abeid Mziba amesema katika Hotel waliyofikia mkoani Shinyanga walifanya 'booking' ya chumba kwa ajili ya Morrison
"Sisi hatufahamu ana tatizo gani, kwani hata chumba chake tumemuandalia huku, nadhani waulizwe viongozi wanaweza kuwa na majibu," alisema
