Yanga yawasili Shinyanga

Kikosi cha Yanga kimewasili salama mkoani Shinyanga tayari kwa mchezo wa ligi kuu dhidi ya Mwadui Fc ambao utapigwa Jumamosi katika uwanja wa CCM Kambarage

Hata hivyo mabingwa hao wa kihistoria wamechelewa kufika Shinyanga kuliko ilivyotarajiwa kutokana na changamoto walizokutana nazo njiani

Mjumbe wa Kamati ya Utendaji Dominic Albinus ambaye ndiye aliyekuwa kiongozi wa msafara, amesema walipata changamoto Manyoni mkoani Singida baada ya basi lao kupasuka gurudumu la mbele

Aidha amewashukuru mashabiki wa klabu hiyo mkoani Shinyanga ambao wameisubiri timu tangu Alfajiri

Mabingwa hao wa kihistoria wanatarajia kuanza mazoezi jioni ya leo Alhamisi tayari kwa mchezo huo wa kwanza baada ya ligi kurejeshwa