Mkufunzi wa makipa klabu ya Yanga Peter Manyika amesema mlinda lango Ramadhani Kabwili, ni mchezaji mwenye kipaji na anaamini wakati wake utafika
Kabwili alitua Yanga mwaka 2017 akitokea timu ya Taifa ya viajana wakati huo akiwa na umri wa miaka 16 tu
Katika umri mdogo, tayari amepata nafasi ya kushiriki mechi zenye ushindani ikiwemo ligi ya mabingwa barani Afrika na mchezo wa watani wa jadi
Manyika amesema wakati wa Kabwili utafika na anaamini atakuwa na mchango mkubwa kwa Yanga na timu ya Taifa
"Kabwili ni golikipa mzuri sana, ni golikipa ambaye atakuja kuchukua nafasi za magolikipa wa sasa wa timu ya taifa, ndio maana kila linapokuja suala la kumtoa Kabwili kikosini huwa nakataa. Mimi ni mkufunzi wa magolikipa najua ubora wao," amesema Manyika
Kabwili ana mkataba na kkabu ya Yanga hadi mwaka 2021
