Kikosi cha Yanga leo kimeonja joto ya jiwe baada ya kuchapwa mabao 3-0 na KMC katika mchezo wa kirafiki uliopigwa uwanja wa Uhuru
Vijana wa Yanga hawakuwa na mchezo mzuri hasa kwenye kipindi cha kwanza, wakiruhusu mabao mawili kupitia kwa Sadala Lipangwile na Charles Ilanfya
Kipindi cha pili kidogo vijana wa Mkwasa walizinduka lakini hata hivyo wakajikuta wanaruhusu bao la tatu lililofungwa na Hassan Kabunda kupitia mpira wa adhabu
Matokeo hayo ni ujumbe kwa benchi la ufundi pamoja na wachezaji kuwa wana kazi ngumu ya kufanya vizuri kwenye mechi zilizobaki kama mambo hayatabadilika
Kwani kwa kiwango walichoonyesha kwenye mchezo huo, hakika kazi haitakuwa rahisi
Benchi la ufundi lina wiki moja ya kusahihisha makosa kabla ya mchezo wa ligi dhidi ya Mwadui Fc ambao utapigwa Juni 13 mkoani Shinyanga
