Serikali imeruhusu ligi zilizokuwa zikichezwa kwa mfumo wa nyumbani na ugenini, zinaweza kurejea kwa kutumia utaratibu huohuo
Taarifa iliyotolewa na msemaji wa Serikali Dk Hassan Abbas mapema leo, imefuta utaratibu wa mechi kuchezwa katika kituo kimoja (Dar es salaam na Mwanza) kama ilivyopendekezwa awali
"Serikali inaruhusu ligi za soka ambazo kikanuni zinatakiwa kucheza nyumbani na ugenini, utaratibu huo wa nyumbani na ugenini badala ya kituo kimoja uendelee kutumika, " amesema Dk Abbas ambaye pia ni Katibu Mkuu Wizara Ya Habari Sanaa Utamaduni na Michezo
Hivyo ni rasmi mechi zilizosalia ligi kuu zitapigwa katika mfumo wa nyumbani na ugenini
Aidha Serikali pia imeruhusu mashabiki kuingia uwanjani kwa angalau nusu ya uwezo wa viwanja pale inapobidi
