Mkuu wa mkoa wa Dar es salaam Mh Paul Makonda ni miongoni mwa wageni walioalikwa kuhudhuria hafla ya kusainiwa mkataba wa ushirikiano kati ya Yanga na La Liga ambao unafungua ukurasa wa mchakato wa Mabadiliko ya mfumo wa uendeshaji wa klabu ya Yanga
Hafla hiyo itafanyika kesho Jumapili, May 31 Hoteli ya Serena jijini Dar es salaam
Makonda ambaye anafahamika kuwa mdau mkubwa wa klabu ya Simba, amesema tukio hilo linakwenda kufungua ukurasa mpya kwa klabu ya Yanga
"Hongera sana klabu ya Yanga Safari ya kuelekea mabadiliko ya uendeshaji wa klabu inakwenda kuanza rasmi"
"Safari hii ina maslahi mapana kwa maendeleo sio tu katika sekta ya michezo bali maendeleo ya kijamii na Utalii kwa ujuml"
"Hususan kwa ushirikiano huu na wenzetu wa LA LIGA kutokea nchini Hispania. Tunawaunga mkono na kuwatakia kila la heri katika safari hii yenye TIJA kubwa katika taifa letu," ameandika Makonda kwenye ukurasa wake wa mtandao wa kijamii"
