Mwili wa aliyewahi kuwa Katibu na Mchezaji wa zamani wa Yanga Lawrence Mwalusako utasafirishwa Siku ya Jumatano 27/05/2020 kwenda Kyela Mjini kwa mazishi siku ya Alhamis 28/05/2020
Mwalusako alifariki leo katika hospitali ya Taifa Muhimbili alipokuwa amelazwa kwa matibabu.
Uongozi wa klabu ya Yanga umeeleza kupokea kwa masikitiko taarifa za kifo cha nyota huyo wa zamani wa timu ya Taifa
"Tumepokea kwa mshtuko taarifa ya kifo cha mpendwa wetu, kama uongozi wa klabu tunasema tumempoteza mtu muhimu ambaye kwa muda wote tangu akipojiunga na Yanga kama mchezaji na baadaye kuwa Kiongozi alikuwa mstari wa mbele kupigania maslahi na maendeleo ya klabu yetu," amesema Katibu Mkuu wa Yanga Dkt. David Ruhago.
"Tutashiriki kikamilifu kwenye msiba huu wa Mwalusako ambaye enzi za uchezaji wake alikuwa Beki mahiri aliyemudu kucheza nafasi zote za ulinzi"
Msiba upo nyumbani kwa Marehemu, Kimara Jijini Dar es Salaam
Marehemu Laurence Mwalusako alichezea Yanga na Taifa Stars miaka ya 1980, na baadae alikuwa Katibu Mkuu wa Yanga mwaka 2013
Alisajiliwa Yanga mwaka 1985 akitokea Pan Africans na tangu hapo ameendelea kuwa Mwanayanga hadi mwisho wa uhai wake.
Haikuwa dunia ila ni mapito Bwana katoa na bwana katwaa jina lake lihimidiwe
