Baada ya Serikali kuruhusu timu kuanza mazoezi ya pamoja, uongozi wa klabu ya Yanga umesema wachezaji wao wako tayari kuanza mazoezi hayo
Aidha kocha Luc Eymael anatarajiwa kutuma program yake ya mazoezi ambayo yatakuwa chini ya kocha Charles Mkwasa wakati mchakato wa yeye kurudi ukiendelea
Habari njema kwa upande wa kikosi ni kuwa mabingwa hao wa kihistoria watamkosa nyota mmoja tu Farouk Shikhalo ambaye yuko kwao Kenya
Msemaji wa klabu ya Yanga Antonio Nugaz, amesema timu inaweza kuanza mazoezi kwa kufuata maelekezo ya Mwalimu lakini pia watachukua tahadhari kwa kutambua Afya za Wachezaji pamoja na benchi la ufundi
"Tunaweza kumkosa mchezaji mmoja tu (Shikhalo) ndio hayupo lakini wachezaji wengine wote wa kigeni wapo nchini. Timu itaanza mazoezi kwa maelekezo ya mwalimu huku watu wetu wa afya wakishughulikia suala la kutambua afya za wachezaji na benchi la ufundi ili kuhakikisha tunaendelea vyema na ligi kama ilivyotangazwa," amesema Nugaz
