Timu ruksa kuanza mazoezi ya pamoja

Baada ya Rais Dk John Magufuli kurejesha shughuli za michezo nchini kuanzia Juni Mosi, Serikali imetoa ruhusa rasmi kwa vilabu kuanza mazoezi ya pamoja

Taarifa ya Serikali iliyotolewa mapema leo na Msemaji wa Serikali Dk Hassan Abbas, imebainisha kuwa ruhusa hiyo imetolewa ikiwa ni baada ya uamuzi wa Rais kuruhusu baadhi ya michezo kurejea

Wizara yenye dhamana ya Michezo itatoa maelekezo zaidi ya utaratibu wa kiafya ambao utapaswa kufuatwa

Taarifa hiyo imepokewa kwa furaha na wachezaji pamoja na mashabiki wa soka nchini