Mshambuliaji wa Fc Lupopo Mpiana Monzizi amefichua kuwa anasubiri kumalizika changamoto ya corona ili aweze kuja nchini kujiunga na mabingwa wa kihistoria, Yanga
Monzizi aliibuka mfungaji bora wa ligi kuu ya DR Congo akifungana na Jackson Muleka na Fiston Mayeke wa AS Vita wote wakifunga mabao 12
Hivi karibuni nahodha wa Yanga Papy Tshishimbi alifichua uwezekano wa Yanga kumsajili mshambuliaji huyo ambaye pia ni raia wa DR Congo
Mshambuliaji huyo amenukuliwa na gazeti Mwanaspoti akithibitisha kufanya mazungumzo na Yanga huku akibainisha kuwa kilichobaki ni kwake kusaini mkataba
"Tulishazungumza kila kitu na kufikia makubaliano, Kilichobaki ni kumalizana ili tujue msimu ujao tunauanzaje," amesema
"Tunasubiri ndege zianze kutembea pengine baada ya hii corona naweza kuja Tanzania kusaini mkataba"
"Nimekuwa nikizungumza mara kwa mara na Tshishimbi akiniambia mambo mengi kuhusu ligi ya Tanzania. Sioni kama nitashindwa kufanya vizuri"
Monzizi ni miongoni mwa washambuliaji Wacongomani ambao wanatajwa kuwaniwa na Yanga
Wengine ni Heritier Makambo na winga Tusila Kisinda ambaye naye inaelezwa dili lake limefika pazuri
DR Congo imemaliza msimu kwa kuwapa ubingwa TP Mazembe ambao walikuwa wakiongoza ligi kwa tofauti ya alama 12 ligi iliposimama miezi miwili iliyopita
