Mlinda lango wa Yanga Ramadhani Kabwili amejipanga kurejea kivingine pale kipenga cha ligi kuu kitakapopulizwa kwa ajili ya kumalizia msimu
Msimu huu tangu ulipoanza, Kabwili hajapata nafasi ya kucheza mechi yoyote ya kimashindano, pengine kocha Luc Eymael anaweza kumpa nafasi kwenye mechi 11 zilizobaki
Kipa huyo kinda, ametumia ukurasa wake wa mtandao wa Instagram kuwaomba ushauri wadau na mashabiki wa Yanga
"Maisha yanaenda kasi hebu tuchonge jambo kabla ya ligi kuanza unatamani nini kutoka kwangu ligi ikianza..?, " aliandika Kabwili
Pengine ushauri muhimu sana kwake ni kuhakikisha anaongeza juhudi na bidii ili kuweza kupata nafasi kwenye kikosi cha kwanza
Njia sahihi ya kulinda kipaji chake ni kuhakikisha anacheza mara kwa mara
Huu ni msimu wa tatu yuko Yanga, nafasi yake bado ipo muhimu ni kuhakikisha anashawishi benchi la ufundi ili apate nafasi ya kucheza
