Mshambuliaji wa zamani wa Yanga Jerson Tegete ambaye kwa sasa anaitumikia klabu ya Alliance Fc, ndiye anayeshikilia rekodi ya kufunga mabao mengi katika mechi za watani wa jadi katika kipindi cha muongo mmoja uliopita
Mwamba huyo kutoka Kanda ya Ziwa pale jijini Mwanza, aliweka kambani mabao matano katika mechi dhidi ya Simba kati ya mwaka 2010-15
Kwenye ligi Tegete aliwafunga Simba mara nne huku bao moja akilifunga kwenye michuano ya kombe la Tusker
Tegete ni mmoja wa washambuliaji wazawa ambao wanaweza kubaki katika kumbukumbu za klabu ya Yanga kutokana na umahiri wake katika kuzifumania nyavu
Sio mchezaji mwenye makeke mengi, lakini enzi zake hakufanya makosa alipopata nafasi langoni
Msimu huu ameifungia Alliance Fc mabao matatu, bado ni mchezaji anayeonekana kuwa na kiu ya kufanya mambo makubwa licha ya umri wake kumtupa mkono
