Kocha Mkuu wa Yanga Luc Eymael amefichua kuwa utaratibu watakaotumia kufanya usajili utawawezesha kunasa wachezaji bora
Shauku kubwa ya mashabiki wa Yanga ni kuona timu yao inarejesha ufalme wake kwenye soka la Tanzania huu ukiwa ni msimu wa tatu bila ya kushinda taji
Aidha wachezaji wengi waliosajiliwa katika kipindi hicho, hawakukidhi ubora na mahitaji ya timu jambo lililopelekea wengine kuvunjiwa mikataba
Eymael amesema watafanya usajili wa kisasa kwa kutumia Wataalam ambao wamewapa kazi ya kufuatilia wachezaji
"Tunashirikiana na kampuni za wataalam kutoka Afrika Kusini ambao wanatusaidia kufuatilia kila mchezaji tunayetaka kumsajili. Hawa wanazo taarifa sahihi kuhusu wachezaji wengi Afrika, taarifa ambazo zitatusaidia katika kufanya maamuzi," amesema
"Utaona tunahusishwa na wachezaji wengi, lakini nikuhakikishie tutasajili wachezaji sahihi kulingana na ubora wao ili tuwe na timu yenye kuweza kushinda ubingwa msimu ujao," amesema
Matumizi ya makampuni katika kufanya 'scouting' ya wachezaji ni njia sahihi ya kupata wachezaji wazuri sokoni
Pamoja na utaratibu huo kuwa na gharama, lakini mwisho wa siku klabu hunufaika kwa kusajili wachezaji ambao wana uhakika na uwezo wao
Usajili holela wakati mwingine huziingiza timu gharama mfano hai ukiwa klabu ya Yanga ambayo mwezi Januari ililazimika kuvunja mikataba ya wachezaji watano ambao hawakukidhi viwango
