Kocha Mkuu wa Yanga Luc Eymael amesema malengo yao ni kuunda kikosi imara kwa kusajili wachezaji wazuri kutoka kila pembe ya Afrika
Aidha katika usajili wake, Eymael amesema hadhani kama watasajili mchezaji kutoka kwa watani zao ambao ndio wapinzani wao wakubwa, Simba
Kuna wakati Yanga ilihusishwa kuwawania nyota kadhaa wa klabu ya Simba wakianza na kiungo Clatous Chama ambaye tetesi zilianzishwa na Makamu Mwenyekiti Fredrick Mwakalebela ingawa baadae alikanusha kuwa alitania
Kauli ya Mwakalebela ilipelekea klabu ya Simba kupeleka malalamiko TFF
Eymael amesema hawatasajili mchezaji yeyote kutoka Simba kwani anafahamu hata wakimtaka mchezaji kutoka klabu hiyo, hawatakuwa tayari kuwauzia
"Simba nao wanajenga timu yao kama ilivuyo sisi, sidhani kama wanaweza kukubali kutuuzia mchezaji wao muhimu, labda mchezaji huyo awe amemaliza nao mkataba"
"Tumeingia sokoni kusaka wachezaji wa nafasi mbalimbali tulizoziona kuwa na mapungufu. Tuna uhakika tutapata wachezaji wazuri zaidi ya hao wanaotajwa kutoka Simba," amesema Eymael
