Inaelezwa klabu ya Yanga iko kwenye nafasi nzuri ya kuinasa saini ya beki wa kati wa Coastal Union Bakari Nondo Mwamnyeto ambaye siku za karibuni tetesi za usajili kumuhusu zimetawala kurasa za mwanzo na mwisho za magazeti ya michezo nchini
Klabu za Yanga na Simba zinatajwa kuchuana vikali kumnasa beki huyo mwenye umri wa miaka 22 ambaye pia hucheza timu ya Taifa ya Tanzania 'Taifa Stars'
Yanga inatajwa kutoa ofa nono zaidi kuliko wapinzani wake na kilichokuwa kikisubiriwa ni makubaliano na mchezaji mwenyewe
Kabla ya kumalizana na mabingwa hao wa kihistoria, Mwamnyeto aliomba apewe muda azungumze na baba yake mzazi, Mzee Nondo Mwamnyeto baada ya kutokea sintofahamu baina ya Mawakala wake
Mzee Mwamnyeto amenukuliwa na gazeti la Mwanaspoti akithibitisha kuzungumza na Wanawe na kumshauri achague timu ambayo imempa maslahi mazuri
"Nimemuita na nimezungumza nae. Nimemwambia sawa mimi ni baba yake lakini uamuzi wa mwisho kuhusu wapi atakwenda kucheza atauchukua mwenyewe"
"Kuna mambo mengi ya kuangalia kuna maslahi na ubora wa klabu anayotaka sasa. Hivyo atakapoona kuna sehemu imempa maslahi mazuri basi asaini tu wala asisubiri uamuzi wangu," amesema Mzee Nondo
Je usajili wa Mwamnyeto Yanga ataweza kuwapa changamoto walinzi waliopo kwenye kikosi cha Yanga sasa?
Walinzi wanaotumika zaidi na kocha Luc Eymael ni Lamine Moro, Kelvin Yondani, Ally Mtoni na Said Juma Makapu
Lakini pia wapo Andrew Vicent na Ally Ally
