Bodi ya Ligi kuu (TPLB) imetoa mapendekezo ya ligi kuu ya Vodacom, Ligi daraja la kwanza na ligi daraja la pili kurejea mwezi Juni lakini uamuzi huo ukisubiri ruhusa ya Serikali kutegemeana mwenendo wa ugonjwa wa corona nchini
Pamoja na wadau wengi kupendekeza mechi kupigwa katika vituo maalum badala ya timu kusafiri mikoani, Mtendaji Mkuu wa Bodi hiyo Almas Kasongo amesema watatumia utaratibu wa kawaida kwa timu kucheza nyumbani na ugenini
"Baada ya kikao chetu cha Kamati ya Utendaji kilichofanyika mwishoni mwa wiki, tumekubaliana kama Serikali itaturuhusu, ligi irejee mwezi Juni ambapo tutahakikisha mechi zinachezwa kwenye mazingira salama zaidi"
"Tumeridhia utaratibu wa zamani wa mechi kuchezwa nyumbani na ugenini utumike lakini tutakuwa makini kuhakikisha wachezaji, waamuzi, makocha, viongozi na wandishi wa habari ambao wataruhusiwa kuingia uwanjani wanafanyiwa vipimo"
Kasongo amesema idadi ya mechi ambazo zimebaki, mechi 98 ligi kuu, mechi 48 ligi daraja la kwanza na mzunguuko mmoja pamoja na mechi 10 za play-off ligi daraja la pili
