Winga wa Yanga Juma Mahadhi amesema bado ana nafasi ya kudhihirisha ubora wake mbele ya mashabiki wa timu hiyo baada ya kupona majeraha yaliyomuweka nje kwa karibu miaka miwili
Mahadhi aliyekuwa akitabiriwa kuwa Msuva wa baadae Yanga, amesema bado ana kazi ya kufanya ndani ya kikosi cha Yanga
Aidha nyota huyo amefichua kuwa uongozi wa timu hiyo umeonyesha imani kwake baada ya kumuongezea mkataba hadi mwaka 2022
"Nashkuru kwa sasa hali yangu ni nzuri, nafahamu nina deni kubwa kwa mashabiki wa Yanga kwani hawajaniona uwanjani kwa muda mrefu"
"Ninao muda wa kutosha kuwapa burudani, kikubwa ni kuombeana uzima na afya" amesema
Mara ya mwisho Mahadhi kuonekana dimbani ilikuwa August 19 kwenye mchezo wa kombe la Shirikisho dhidi ya USM Alger mchezo ambao Yanga ilishinda mabao 2-1
Mahadhi alipata majeraha makubwa ya goti katika mchezo huo ambapo alilazimika kufanyiwa upasuaji wa goti mara mbili
