Unamkumbuka Malimi Busungu yule mshambuliaji aliyeitumikia Yanga kati ya mwaka 2014 na 2017 ambaye alisajiliwa kutoka klabu ya Mgambo Shooting? Ametangaza kurejea tena dimbani
Tangu mwaka 2018 Busungu alipotea kwenye soka suala la ulevi uliopindukia ikitajwa kuwa sababu ya kutoonekana kwake
Busungu amedai bado anao uwezo hivyo ameanza rasmi mazoezi kujiandaa na msimu ujao wa ligi kuu
"Nimekuwa nje kwa muda lakini nafuatilia kile kinachoendelea kwenye ligi. Nimejiridhisha naweza kufanya vizuri pengine kuliko hata washambuliaji wengi ambao wanalipwa mishahara mikubwa lakini uwezo wao ni mdogo," amesema
Septemba 27 2015, Busungu aliingia kwenye orodha ya wachezaji waliotupia mabao kwenye dabi ya Kariakoo alipowafunga Simba katika mchezo ambao Yanga iliibuka na ushindi wa mabao 2-0
Suala la ulevi na matatizo mengi ya nje ya uwanja yalipelekea nyota huyo kupotea kwenye ramani ya soka
