Mfanyabiashara Rostam Aziz ambaye moja ya kampuni zake (Taifa Gas) inadhamini klabu ya Yanga, ametoa msaada wa mashine ya kupima maambukizi ya virusi vya COVID-19 kwa Serikali ya Mapinduzi Zanzibar mara baada ya kupokea ombi la serikali hiyo
Akizungumza na waandishi wahabari jijini Dar es salaam, Rostam amesema mashine hiyo ipo tayari na inaweza kufungwa Zanzibar wiki ijayo
Rostam amesema mashine hiyo ikifungwa itaharakisha upimaji wa virusi vya COVID-19 ambapo awali sampuli za washukiwa zilikuwa zikitumwa jijini Dar es salaam kwa ajili ya kupimwa
Amesema mashine hiyo itakuwa na uwezo wa kupima mpaka sampuli 400 kila baada ya masaa 3
Rostam amekuwa mstari wa mbele kutoa misaada mbalimbali katika jitihada za mapambano ya ugonjwa corona ambao ni tishio duniani kote
Serikali imewata wafanyabishara na kila mwenye uwezo kusaidia kwa kuchangia mapambano hayo
