Kiungo wa Yanga Feisal Salum 'Fei Toto' amesema bado ana mkataba na klabu ya Yanga hivyo kwa timu yoyote inayomuhitaji hapa nchini, inapaswa kwenda kumalizana na mabosi wake
Kumekuwa na tetesi kuwa klabu ya Simba imekuwa ikimnyemelea kiungo huyo ambaye Yanga iliwazidi ujanja mwaka juzi walipo-mpora mikononi mwao na kumsajili
Fei Toto amesema mipango aliyonayo ni kwenda kucheza soka nje ya nchi lakini kama kuna timu inamuhitaji hapa nchini yeye atakuwa tayari kujiunga nayo kama Yanga wataamua kumuuza
"Siwezi kusema nimebakiza mkataba wa muda gani, klabu yangu inajua. Kama kuna timu inanihitaji wazungumze na klabu yangu kwanza. Malengo yangu ni kucheza nje ya nchi (Ulaya) lakini kwa sasa nipo Yanga"
"Ikitokea klabu nyingine inanihitaji hapa Tanzania wakubaliane kwanza na Yanga, Kama Yanga watakubali kuniuza basi Mimi nitaenda," amesema Feisal ambaye amejichimbia visiwani Zanzibar akiendelea na mazoezi binafsi
Fei Toto amerejea katika kiwango chake bora sasa akiwa mmoja wa wachezaji tegemeo wa kikosi cha kocha Luc Eymael
