Kutokana na janga la corona, ligi mbalimbali ambazo zitarejea baada changamoto hiyo kumalizika, zitakuwa na muda mfupi kukamilishwa kabla ya kuanza msimu mwingine
Lakini pia, ligi hizo zitarejea wakati wachezaji wakiwa wametoka kukaa bila kucheza soka la ushindani kwa muda mrefu, kucheza mfululizo inaweza kuwa changamoto
Shirikisho la soka duniani (FIFA) limeiona changamoto hiyo na hivyo kupendekeza timu kuweza kufanya mabadiliko ya mpaka wachezaji watano
Mapendekezo hayo yanasubiri kuidhinishwa na Bodi ya Chama cha soka cha Kimataifa ili kuweza kutumika
Ligi mbalimbali huko Ulaya zinatarajiwa kurejea kuanzia mwezi wa sita ambapo baadhi ya timu zimeanza kuwaruhusu wachezaji kufanya mazoezi binfasi katika viwanja vya vilabu husika
Uingereza wao ligi yao huenda ikaanza Juni 08 na kumalizika mwishoni mwa mwezi wa saba ili kupisha mechi za ligi ya mabingwa zilizobaki ambazo zitapigwa kuanzia mwezi wa nane
Kwa hapa Tanzania bado TFF inasubiri mwongozo wa Serikali, kubainisha nini hatma ya ligi kuu ya Vodacom
