Mohammed Hussein 'Mmachinga' nyota wa zamani wa Yanga, anashikilia rekodi ya kupachika mabao ligi kuu ya Tanzania Bara
Ilikuwa mwaka 1994 ambao Mmachinga aliweka rekodi hiyo kwa kupachika mabao 26 katika msimu mmoja
Sasa ni miaka 26 imepita tangu aandikishe rekodi hiyo..!
Lakini jambo moja kubwa ambalo linaifanya rekodi yake kuwa ya kipekee, ni kuwa mabao yake yote aliyafunga kawaida
Katika msimu huo Mmachinga hakuwahi kupiga mkwaju wa penati
Lakini pia, ikumbukwe wakati huo ligi ilikuwa ikishirikisha timu 16 tu
Mwaka 2006, Abdallah Juma wa Mtibwa Sugar alikaribia kuifikia rekodi hiyo baada ya kuifungia timu yake mabao 25
Hata nyota wa kigeni wameshindwa kuivunja rekodi hiyo ambapo Amissi Tambwe alifunga mabao 21 wakati akiwa Yanga na Meddie Kagere msimu uliopita aliifungia Simba mabao 23
Msimu huu Kagere amefunga mabao 19, anahitaji kufunga mabao sita katika mechi zilizobaki
Hata hivyo katika mabao yake, mengine ameyafunga kupitia mikwaju ya penati tofauti na Mmachinga ambaye hakuwa akipiga penati
