Afisa Habari wa klabu ya Yanga, Hassan Bumbuli, amesema kuhusu swala la wadau mbalimbali wanaotoa maoni kwamba, kwa sababu ligi imesimama basi msimu umalizike na klabu ya Simba wapewe ubingwa kuwa hilo haliwezekani kwani ili bingwa apatikane lazima mechi zote za ligi kuu zichezwe.
Bumbuli amesema klabu ya Yanga imebakisha mechi 11 ambazo ni sawa na pointi 33 hivyo upo uwezekano wa Yanga kuwa mabingwa wa ligi kuu soka Tanzania bara msimu huu na hivyo kuondoa uhalali wa Simba kupewa ubingwa pasi na mechi zote kuchezwa
Hivi karibuni baadhi ya wabunge walipendekeza msimu umalizwe na Simba ikabidhiwe ubingwa ili iwakilishe Tanzania kwenye michuano ya ligi ya mabingwa msimu ujao na klabu ya Azam ishiriki kombe la Shirikisho
ADVERTISE HERE
