Kiungo wa zamani wa klabu ya Yanga Ally Mayay ambaye kwa sasa ni mchambuzi wa soka, ameutaka uongozi wa klabu hiyo kuhakikisha pamoja na kuboresha safu ya ushambuliaji wa kati, wanasajili washambuliaji mahiri wa pembeni
Mayay ambaye amewahi kuwe mjumbe wa kamati ya ufundi, amesema msimu huu Yanga imekuwa na mapungufu kwa kukosa aina ya washambuliaji wa pembeni waliokuwa nao miaka ya nyuma
"Ukiangalia soka la Yanga mara nyingi wamekuwa wakitumia mawinga kufanya mashambulizi. Tangu alipoondoka Msuva, Yanga haijapata mbadala wake"
"Ni vyema kipindi hiki wakajaribu kusajili mawinga wa kulia na kushoto ambao wana kasi kama ilivyokuwa wakati wa Msuva," amesema
Mayay pia ameshauri usajili uzingatie upande wa walinzi pembeni ili kuwaongezea nguvu waliopo
"Upande wa safu ya ulinzi hakuna matatizo makubwa lakini ni vyema wakaongeza nguvu. Kwani baadhi ya wachezaji kama Kelvini Yondani, Juma Abdul hawana ubora waliokuwa nao miaka minne iliyopita"
"Magolikipa sidhani kama wanahitaji kusajili. Waliopo wanatosha muhimu waongeze umakini tu ili wafanye vizuri zaidi"
