Mshambuliaji wa Yanga Tariq Seif amesema atahakikisha anakuwa na mchango mkubwa katika kikosi cha mabingwa hao wa kihistoria kila atakapopewa nafasi
Tariq ni miongoni mwa wachezaji waliotua Yanga dirisha dogo. tayari amefunga mabao matatu
Nyota huyo wa zamani vilabu vya Biashara United na Stand United, amesema kwa sasa anaendelea kufanya mazoezi binafsi kama ilivyo kwa wachezaji wengine wakati huu ligi ikiwa imesimama kutokana na janga la corona
"Nitahakikisha naendelea kufanya vizuri na kufunga kwa kila mchezo ambao nitakuwa napata nafasi ili kuendeleza rekodi yangu ya ufungaji na niweze kuisaidia timu yangu kwenye mashindano yeyote ambayo tutapata nafasi ya kushiriki," amesema
Tariq ameanza na wastani mzuri wa kufunga Yanga kwani mabao yake matatu ameyafunga katika mechi tano alizoshuka dimbani
