Nahodha msaidizi wa Yanga Juma Abdul amesema wao kama wachezaji wamekuwa wakikumbushana umuhimu wa kufanya mazoezi wakati ambao ligi imesimama kutokana na janga la corona
Amesema kila mchezaji anafahamu umuhimu wa kuwa kwenye kikosi cha kwanza hivyo suala la mazoezi ni jambo la lazima kwa kila mchezaji
"Kwa namna ambavyo huwa tunaambiana ukweli na kukumbushana majukumu yetu kama wachezaji kwa Kipindi hiki Cha Corona Kila mmoja wetu anajua umuhimu wa Kuwa kwenye kikosi cha kwanza na kuipambania nafasi yake kwenye timu"
"Sidhani kama yupo mchezaji atakaekubali kukaa bila mazoezi binafsi huku majumbani kwetu tulipo," amesema Abdul
Bado hatma ya kurejea mikiki mikiki ya ligi kuu haifahamiki kutokana na janga la corona kuendelea kushika kasi nchini huku Serikali ikiweka mikakati ya kudhibiti maambukizi zaidi
