Nahodha wa Yanga Papy Tshishimbi ameendelea kujifua kikamilifu kujiweka sawa wakati huu ligi ikiwa imesimama kutokana na janga la ugonjwa wa corona
Mcongomani huyo amesema anafanya mazoezi binafsi, lakini pia anachukua tahadhari ambapo amewataka mashabiki wa soka wote kuwa makini na changamoto hii
"Nafanya mazoezi ili niweze kuwa fiti pale ligi itakaporejea, lakini nachukua tahadhari. Tupo kwenye wakati mgumu wa mapambano ya corona hivyo kila mmoja wetu anapaswa kuwa makini, " amesema
Hivi karibuni Tshishimbi aliongeza mkataba wa miaka miwili kuendelea kubaki Jangwani
Ni baada ya mvutano wa hapa na pale baina yake na uongozi wa Yanga huku zikiibuka tetesi kuwa alikuwa akinyemelewa na klabu ya Simba
Tshishimbi amesema anafurahi kuendelea kuwa sehemu ya familia ya klabu ya Yanga
