Mshambuliaji wa Yanga Yikpe Gnamien amesema anatambua ana deni kubwa na klabu hiyo ambayo ilimsajili dirisha dogo mwezi Januari mwaka huu akiwa mchezaji huru baada ya kuvunja mkataba wake na Gor Mahia
Tangu atue Yanga, Yikpe amekuwa kwenye wakati mgumu, ni kutokana na mashabiki wengi wa Yanga kutoridhishwa na uwezo wake
Hata hivyo mwenyewe amesema anachohitaji ni muda tu kuweza kuwafurahisha
Yikpe amesema anafahamu nini mashabiki wanataka, jambo linalomfanya ajihisi kuwa na deni kubwa
"Nina mkataba na klabu yangu na natamani kuifanyia makubwa. Nahisi nina deni kubwa kwa klabu na mashabiki," amesema
"Ligi ikianza natamani kulipa madeni hayo. Sifikirii kuondoka Yanga wakati huu kwani ukiondoka sehemu kabla ya kuonesha uwezo halisi huko uendako kuaminiwa ni ngumu. Nahitaji muda zaidi na Yanga," amesema
Yikpe amefunga mabao mawili tangu atue Yanga. Bado hajaonyesha makali yanayoweza kuwashawishi mashabiki wake
