Mkataba wa nahodha wa zamani wa Yanga, mkongwe Kelvin Yondani unamalizika mwishoni mwa msimu hata hivyo mwamba huyo wa ziwa huenda akaongezwa mwaka mmoja
Kwa sasa kwenye kikosi cha Yanga, Yondani ndiye mchezaji aliyedumu kwa muda mrefu zaidi (miaka nane)
Kutokana na umri wake kuendelea kumtupa mkono, hana muda mrefu sana wa kuendelea kusakata kabumbu
Inaelezwa kocha Mkuu wa Yanga Luc Eymael alipendekeza asakwe mbadala wake, hata hivyo mabosi wa Yanga wameweka msimamo wakitaka kumuona Yondani akistaafu kwa heshima Yanga
Pamoja na kuwa mmoja wa mabeki bora kuwahi kutokea nchini Tanzania, Yondani alikubali kucheza Yanga hata katika zile nyakati ngumu ambazo wachezaji wazuri walikuwa wakikimbilia timu nyingine
Baada ya Nadir Haroub kustaafu kwa heshima Yanga, Yondani atapewa nafasi hiyo pale atakapoamua kustaafu
