Wakati hatma ya ligi kuu ikiwa bado inasubiri kumalizika kwa changamoto ya ugonjwa wa corona, huko Jangwani tetesi za usajili zimeendelea kushika kasi
Iko hivi, Yanga imepania kufanya usajili mkubwa ambapo GSM, wadhamini/wahisani wameapa kuunda kikosi cha maangamizi ambacho kitamponda kila atakayekuja mbele ya Yanga msimu ujao hesabu zikiwa kurejesha ubingwa walioupoteza kwa msimu wa tatu sasa
Safu ya ushambuliaji ndio inayowafanya mabosi wa Yanga wawe 'busy' kusaka nyota wenye uwezo mkubwa kwani msimu huu mambo hayajawa sawa sana kwa upande wa ushambuliaji
GSM imetenga kitita cha zaidi ya Bilioni 1.5 ambapo inaelezwa zaidi ya nusu ya fedha hizo itaelekezwa kuimarisha safu ya ushambuliaji
Mcongomani Heritier Makambo ni nyota wa kigeni wa kwanza ambaye GSM wameahidi watamvalisha uzi wa njano na kijani msimu ujao
Lakini pia inaelezwa kuwa mabosi wa GSM wanaweza kutua Ghana kumn'goa mshambuliaji wa Ashanti Gold Mumuni Shafiu mwenye umri wa miaka 24
Na pengine wakaenda hata Namibia kuiwania saini ya Isaskar Gurirab anaecheza katika timu ya Life Fighters, ambayo alijiunga nayo mwaka 2018
Yanga imejipanga kufanya usajili makini ambapo inawatumia maafisa wake kuwafuatilia wachezaji wote wanaotaka kuwasajili ili kujiridhisha na uwezo wao pamoja na kuwa ni mapendekezo ya kocha Luc Eymael
Ule utaratibu wa wachezaji kuja kufanya majaribio hautakuwepo kwenye usajili ujao
