Shule zote kuendelea kufungwa

Waziri Mkuu Mh Kassim Majaliwa amesema agizo la kufungwa shule za Awali, Msingi, Sekondari na vyuo vyote nchini litaendelea kubaki vilevile hadi hapo Serikali itakapotoa tamko jingine

Pia Waziri Mkuu amesema Rais Dk John Magufuli amesitisha maadhimisho ya sherehe za Mapinduzi(April 26) pamoja na sikukuu ya Wafanyakazi (Mei Mosi) ili kuepuka msongamano na kuendelea kuzuia virusi vya corona visisambae zaidi

Waziri Mkuu ameyasema hayo leo Jumanne, April 14 2020 katika kikao cha Kamati ya Kitaifa ya Uratibu wa mapambano dhidi ya ugonjwa wa homa ya mapafu unaotokana na maambukizi ya virusi vya COVID-19

Amesema hadi leo nchini kuna jumla ya watu 53 ambao wameambukizwa corona ikiwa ni ongezeko la wagonjwa wanne ambao wote wako jijini Dar es salaam