Benchi la ufundi la Yanga linaloongozwa na kocha Mbelgiji Luc Eymael limepanga kutumia mechi zilizobaki za ligi kuu ya Vodacom kuwapa nafasi baadhi ya wachezaji ambao wamewekwa kwenye mpango wa kutemwa na timu hiyo, imefahamika
Miongoni mwa wachezaji hao ni mshambuliaji Yikpe Gnamien ambaye alitua dirisha dogo akiwa mchezaji huru baada ya kuvunja mkataba wake na Gor Mahia
Taarifa kutoka ndani ya uongozi wa Yanga zimebainisha kuwa Eymael amepanga kumtumia Yikpe kwenye mechi hizo kabla ya kuchukua maamuzi juu yake
Yikpe ameifungia Yanga mabao mawili tu tangu ajiunge nayo mwezi Januari
Sehemu kubwa ya mashabiki wa Yanga wamepoteza imani kwake wakitaka mkataba wake uvunje
Hata hivyo Eymael bado anaonekana kuwa na imani na mshambuliaji huyo ambapo kwenye moja ya mahojiano yake, alidai matatizo ya Yikpe yanarekebishika
Mu Ivory Coast huyo yuko nchini akiendelea kufanya mazoezi binafsi wakati huu ambao ligi imesimama kutokana na janga la corona
Uongozi wa Yanga umepanga kusajili safu mpya ya ushambuliaji ambapo inaelezwa ni mshambuliaji mmoja tu wa kati (Ditram Nchimbi) ambaye ana uhakika wa kuendelea kubaki msimu ujao
