Mshambuliaji wa Yanga David Molinga amesema anaamini kikosi cha timu hiyo kina nafasi ya kushiriki michuano ya CAF msimu ujao hasa kupitia mashindano ya kombe la Shirikisho la Azam (ASFC)
Kimahesabu, Yanga ina nafasi finyu ya kutwaa ubingwa wa ligi kuu baada ya kuzidiwa alama 20 na vinara wa ligi hiyo Simba
Molinga amesema kama wachezaji hawatakubali kumaliza msimu bila ya kuwa na kitu hivyo watapambana kwenye mechi zilizosalia huku pia wakiweka mkazo kwenye michuano ya kombe la FA
"Kwa hali ilivyo, hatuonekani kuwa na nafasi ya kutwaa ubingwa msimu huu, hatujakata tamaa kwani kwenye mpira lolote linaweza kutokea," amesema
"Lakini nafasi nzuri kwetu kupata tiketi ya kushiriki michuano ya Kimataifa ni kupitia kombe la Shirikisho. Kwani tumekuwa na mwenendo mzuri kwenye michuano hii na kila mchezaji ana kiu kuona tunafanikiwa kuwa mabingwa"
Bado anataka kubaki Yanga
Katika hatua nyingine, Molinga amesema anaamini uongozi wa Yanga utampa nafasi ya kuendelea kuwatumikia mabingwa hao wa kihistoria pale mkataba wake utakapomalizika mwezi August
Molinga amedokeza kuwa ana ofa kutoka vilabu vingine ndani ya Afrika lakini kipaumbele cha kwanza anaipa Yanga klabu anayoitumikia sasa
