Baada ya GSM kurudi kwa kishindo na kutangaza hali ya hatari kuelekea msimu ujao, hofu imetanda upande wa pili huko Msimbazi ambako baadhi ya nyota wamegoma kuongeza mikataba
Zilizochini ya kapeti ni kuwa GSM imejipanga kulipa kisasi kwa kuwan'goa nyota muhimu wa timu hiyo
Inafahamika mwezi uliopita Simba ilijaribu kumnasa kiungo mshambuliaji wa Yanga Bernard Morrison kabla ya GSM kushitukia mchezo na kumpa mkataba mpya wa miaka miwili
Jana GSM wamefanikiwa kumuongeza mkataba nahodha wa timu hiyo Papy Tshishimbi ambaye pia kulikuwa na tetesi kuwa Simba walikuwa wanamtaka
Baada ya kufanikiwa kuwapa mikataba wachezaji hao, mabosi wa GSM wamesema sasa ni zamu yao kupata maumivu
Afisa Mhamasishaji wa Yanga Antonio Nugaz amedokeza kuwa GSM wako tayari kumnunua mchezaji yeyote ndani ya nchi ambaye amependekezwa na kocha Luc Eymael na mshahara wake ni chini ya Tsh Milioni 40! hapa tatizo ndipo linapoanzia
Inaelezwa mpaka sasa viongozi wa Simba wanahaha kumpata kiungo wao Clatous Chama ambaye amejichimbia kwao Zambia na mkataba wake unaisha mwezi Juni
Lakini zipo taarifa za chinichini kuwa tayari GSM wameshamaliza kazi kwa Mzambia huyo!
Miongoni mwa nafasi ambazo Yanga imejipanga kusajili ni winga wa kulia
Pamoja na kumuwania Tusila Kisindo wa AS Vita, Yanga wamemuweka kwenye tajeti Deo Kanda anayecheza kwa mkopo Simba akitokea klabu ya TP Mazembe
Mkataba wa Kanda na TP Mazembe unamalizika mwishoni mwa msimu, hivyo Yanga ina nafasi ya kumnasa nyota huyo kama itatoa dau nono
GSM wametenga zaidi ya Bilioni 1.5 kwa ajili ya usajili, hivyo suala la fedha sio tatizo tena
