Afisa Mhamasishaji wa Yanga Antonio Nugaz amesema wamejipanga kufanya usajili wa maana ambao utairejesha juu heshima ya Yanga kwenye soka la Tanzania
Akihojiwa na chombo kimoja cha habari mapema leo, Nugaz alisema wachezaji watakosajiliwa na Yanga msimu huu ni wale wa viwango vya hali ya juu
Aidha kupitia wadhamini wao kampuni ya GSM, Nugaz amesema nyota yeyote bora wa ndani bila ya kujali timu anayocheza, kama amependekezwa na kocha Luc Eymael watamsajili
Amesema fungu la kutosha la usajili limetengwa kwa zoezi hilo
"Tutasajili wachezaji wa ndani wenye kiwango kikubwa (Grade A) Tanzania, Pia tutasajili wachezaji wa nje Grade B+ kutoka popote ilimradi tu awe chaguo la Kocha Luc Eymael.
"Mchezaji yeyote ambae mshahara wake ni dolla elfu ishirini kushuka chini tuna uwezo wa kumsajili," alisema Nugaz
Hii ni habari njema kwa mashabiki wa Yanga ambao wamekuwa na shauku ya kuona wachezaji bora na wenye viwango wanasajiliwa ili kurejeha heshima ya klabu hiyo
