Ikiwa ndio baadhi ya wachezaji wanaelekea kumaliza mikataba yao na Dirisha la usajili la msimu wa joto linakaribia, Shirikisho la Kandanda Ulimwenguni FIFA limetoa ufafanuzi zaidi kwamba mkataba wa mchezaji utamalizika kwenye klabu yake pale tu msimu wa Ligi utakapomalizika.
Kwasasa ikumbukwe kwamba ligi kadhaa Ulimwenguni zimesimama kutokana na mlipuko wa virusi vya Corona na ligi mbalimbali zilitaraji kuhitimishwa mwezi ujao wa Mei
Hivyo ni wazi mkataba wa wachezaji na klabu yake utahesabika kwamba utamalizika pale tu msimu wa ligi utakapo kuwa umemalizika.
Wakati huohuo pia FIFA Imethibitisha kuwa dirisha la usajili msimu wa majira ya joto litaendelea zaidi ya Juni 30 ikiwa ni mapendekezo yaliyokubaliwa na wadau wote pamoja na viongozi wa mpira.
