Kiungo mshambuliaji Mrisho Ngasa, beki Andrew Vicent pamoja na Deus Kaseke na Tariq Seif ni miongoni mwa wachezaji ambao mikataba yao inamalizika mwishoni mwa msimu
Wakati baadhi ya nyota wameanza kupewa mikataba mipya, inaelezwa Eymael aliondoka na majina ya baadhi ya wachezaji ambao aliomba akawafanyie tathmini kabla ya kuidhinisha wapewe mikataba
Afisa Habari wa Yanga, Hassan Bumbuli amethibitisha kuwa maamuzi kuhusu baadhi ya wachezaji yanamsubiri Eymael mwenyewe
"Kocha kabla ya kuondoka aliomba orodha ya wachezaji wanaomaliza mikataba kwa ajili ya kwenda kufanya tathmini yake nani na nani anawahitaji kwa msimu ujao"
"Alitarajia kuyatuma majina ya wale ambao anawataka wabaki Ijumaa iliyopita lakini hakufanya hivyo, lakini bado uongozi unaendelea kumsubiria kuona kitu gani atakisema kisha kwa wale ambao watapendekezwa kubaki tutamalizana nao mara moja," alidokeza Bumbuli
Hata hivyo Bumbuli amesema masuala mengine kuhusu mustakabali wa baadhi ya wachezaji yatafahamika baada ya msimu kumalizika
"Sasa hivi siwezi kukwambia ni mchezaji gani ataondoka na nani atabaki. Tuwe na subira, msimu ukimalizika nadhani kila kitu kitafahamika"
