Inaelezwa uongozi wa Yanga tayari umemalizana na nahodha wake Papy Tshishimbi ambaye jana alifika Makao Makuu ya klabu hiyo Jangwani jijini Dar es salaam na kuonana na Katibu Mkuu Dk David Luhago
Taarifa zilizopatikana baada ya kikao hicho zilibainisha kuwa Tshishimbi alikubali kusaini mkataba mpya lakini zoezi hilo atalifanya wiki ijayo
Kulikuwa na kila dalili dalili kuwa Mcongomani huyo alikuwa akijiandaa kuondoka na hivyo uongozi wa Yanga ulikuwa tayari umejipanga ikitokea 'amesepa'
Kuna wachezaji ambao kocha Luc Eymaelalipendekeza wafuatiliwe kwani ni aina ya wachezaji ambao anawahitaji kwenye kikosi chake
Kiungo mkabaji wa Mtibwa Sugar Abdulkarim Humud ni miongoni mwa wachezaji hao
Humid amefichua kuwa alipigiwa simu na viongozi wa Yanga wakiulizia kuhusu Mkataba wake na Mtibwa Sugar ambapo amebainisha kuwa unamalizika mwishoni mwa msimu huu
Nyota huyo aliyeng'ara kwenye kikosi cha Mtibwa amesema hana tatizo kutua Yanga kama atapewa ofa nono
Lakini pia lipo jina la kiungo mkabaji Justice Blay raia wa Ghana, ambaye anachezea Asante Kotoko na timu ya taifa hilo
Inaelezwa Eymael amependekeza nyota huyo asajiliwe, anamfahamu na ana imani kuwa ataongeza nguvu kwenye kikosi chake
