Uongozi wa klabu ya Yanga umesema kuwa hawatamuingilia kocha Luc Eymael katika usajili wa kikosi cha timu hiyo kwa ajili ya msimu ujao
Akizungumza juzi baada ya kikao cha kwanza cha Kamati ya Utendaji mwaka huu, makamu Mwwnyekiti wa Yanga Fredrick Mwakalebela alisema wamemwachia Eymael jukumu la kutafuta wachezaji wao kazi yao itakuwa moja tu, kuhakikisha wachezaji hao wanasajiliwa
"Jukumu la usajili tumemuachia kocha. Yeye ndio anafahamu wachezaji wazuri ambao wanaweza kuisaidia timu. Sisi kazi yetu itakuwa moja tu, tunawaleta," alisema
Hata hivyo Mwakalebela amesema usajili wa msimu huu wataongeza umakini ili kuhakikisha makosa waliyofanya msimu uliopita hayajitokezi
"Hatuwezi kurudia makosa, Eymael anafanya majukumu yake na anapomuona mchezaji ambaye atakuja kusaidia timu, viongozi wanaenda kumalizana na mchezaji au klabu kama bado ana mkataba nayo"
Msimu uliopita Yanga ilimuachia majukumu yote ya usajili aliyekuwa kocha Mkuu Mwinyi Zahera lakini nyota wengi aliowasajili walikuwa na uwezo wa kawaida
Mwezi Januari Yanga ililazimika kuvunja mikataba ya baadhi ya wachezaji wa kigeni na kufanya usajili mwingine
Wachezaji walioachwa baada ya kuitumikia Yanga kwa miezi sita tu ni Sadney Urikhob, Juma Balinya, Maybin Kalengo, Mustafa Selemani na Issa Bigirimana
