Klabu ya Simba ilikuwa imekomaa kwelikweli kumsajili fundi mtembea juu ya mpira Bernard Morrison ambapo uongozi wa Yanga kupitia wadhamini wao GSM walilazimika kuchukua hatua kumpa mkataba wa miaka miwili
Lakini pia nahodha Papy Tshishimbi alikuwa akiwaniwa na timu hiyo licha ya kuwa mkataba wake ulikuwa bado una mwaka mmoja
Sasa GSM wameandaa 'pigo takatifu' kwa mabingwa hao wa ligi kuu kwa 'kutia maguu' kambini kwao
Achana na kina Yusufu Mlipili na Said Ndemla ambao kila msimu wamekuwa wakitajwa kuwaniwa na Yanga pasipo ukweli wowote
Katika nyota hawa watatu Clatous Chama, Jonas Mkude na Deo Kanda kuna jambo litatokea!
Inaelezwa wote mikataba yao inamalizika mwezi Juni na wote mpaka sasa wamegoma kuongeza mikataba mipya!
Kocha wa zamani wa Yanga Mwinyi Zahera ambaye ameweka makazi yake nchini, inaelezwa ndiye aliyeachiwa jukumu la kumnasa Kanda ambaye pia klabu yake ya TP Mazembe inafanya jitihada za kumpa mkataba mpya
Kanda anaitumikia Simba kwa mkopo, lakini mwezi Juni atakuwa huru kwani mkataba wake utakuwa umemalizika
Msimu uliopita Simba ilisajili wachezaji watatu wa Yanga Beno Kakolanya, Ibrahim Ajib na Gadiel Michael
Ukiondoa Kakolanya ambaye makubaliano ya pande zote yalifikiwa kuvunja mkataba wake, Ajib na Gadiel wao waligoma kusaini mikataba mipya na wakajiunga na Simba
Ingawa ni uamuzi ambao huenda wakawa wanaujutia kwani wamekosa nafasi kwenye timu hiyo huku ukiibuka uvumi kuwa kocha wa Simba amependekeza Ajib apelekwe timu ya vijana ili akajiimarishe
Akiwa Yanga, Ajib alikuwa kinara wa pasi za mabao msimu uliopita..!
Lakini msimu huu wajiandae kisaikolojia kwani GSM wametenga huko Yanga zaidi ya Bilioni moja na nusu kwa ajili ya usajili
Mhandisi Hersi Saidi kinara wa 'kusinya' amesema hakuna mchezaji ambaye watamtaka watashindwa kumsajli
