Baada ya kulazimishwa sare ya bao 1-1 dhidi ya Namungo Fc jana, mshambuliaji wa Yanga Tariq Seif amewataka mashabiki wa timu hiyo kuendelea kuwaunga mkono kwani lengo lao ni kuwapa furaha
Tariq Alifunga bao pekee la Yanga kwenye mchezo huo kwa kuunganisha krosi iliyopigwa na Jma Abdul pamoja na kuwa alifunga bao jingine ambalo lilikataliwa na waamuzi
Mshambuliaji huyo ambaye mpaka sasa ameifungia Yanga mabao matatu, amesema walikosa bahati kwenye mchezo huo
"Tulitamani kuondoka na pointi zote tatu ila haikuwezekana hivyo tunashukuru tulipata hata hiyo moja kwa kuwa nayo ni sehemu ya matokeo ya mpira," alisema
"Tunawashukuru sana mashabiki wetu wote mliosafiri na sisi kutoka Dar na wale mliotoka sehemu zingine mbalimbali kuja Ruangwa kutusapoti. Tunarudi Dar kujipanga vizuri na mechi nyingine"
Baada ya mchezo huo, mechi za Yanga zimesimama kutokana na wachezaji wake saba kuitwa timu ya Taifa inayojiandaa na michuano ya CHAN inayohusisha wachezaji wa ndani
